Շաբաթ, 04 հուլիսի, 2026 թ.
|
Ստեփանակերտում`   +18 °C

Ուկրաինան 1 միլիարդ դոլար է ստացել ռուսական ակտիվներից

Ուկրաինան 1 միլիարդ դոլար է ստացել ռուսական ակտիվներից
4841
Երեքշաբթի, 24 դեկտեմբերի, 2024 թ., 22:31

Ուկրաինան 1 միլիարդ դոլար է ստացել ռուսական ակտիվներից, որոնք սառեցվել են ԱՄՆ-ում, հայտարարել է երկրի վարչապետ Դենիս Շմիհալը։

Ուկրաինական կողմը նախատեսում է ԱՄՆ-ից ստանալ ևս 19 միլիարդ դոլար՝ ռուսական ակտիվների օգտագործումից։

«Շնորհակալություն մեր ամերիկացի գործընկերներին և Համաշխարհային բանկին արդարությանն ուղղված այս կարևոր քայլի համար»,- գրել է Շմիհալը Telegram-ի իր ալիքում։

Հունիսին G7 երկրները հայտարարեցին Ուկրաինային 50 միլիարդ դոլար հատկացնելու իրենց որոշման մասին՝ օգտագործելով ռուսական սառեցված ակտիվներից ստացված շահույթը: Հոկտեմբերին ԱՄՆ-ի և Ուկրաինայի գանձապետական ​​գերատեսչությունների ղեկավարներ Ջանեթ Յելենը և Սերխի Մարչենկոն համաձայնագիր են ստորագրել 20 միլիարդ դոլարի վարկ տրամադրելու մասին: Ակնկալվում է, որ Եվրոմիությունը կհատկացնի ևս 20 միլիարդ դոլար: Մնացած 10 միլիարդ դոլարը կտրամադրեն Կանադան, Ճապոնիան և Միացյալ Թագավորությունը: Ռուսաստանի՝ Ուկրաինա ներխուժումից հետո, Եվրոմիությունը, Կանադան, ԱՄՆ-ն և Ճապոնիան սառեցրել են Ռուսաստանի ակտիվները՝ մոտ 300 միլիարդ դոլարի, ԱՄՆ-ում գտնվում է մոտ 5-6 միլիարդ դոլար, իսկ Եվրոպյում՝ մոտ 210 միլիարդ դոլար:

Կարդացե՛ք նաև