«Կարծես թե ես էի Նիկոլին բանտից հանում, կատարում քմահաճույքները, կամ ասում` Նիկոլը ճիշտ էր». Արգիշտի Կիվիրյան

Վերլուծաբան Արգիշտի Կիվիրյանը տարբեր գրառումներով անդրադարձել է Նիկոլ Փաշինյանի՝ 3 նախագահներին բանավեճի հրավիրելու և մերժում ստանալու թեմային. «Լեւոն Տեր-Պետրոսյանի կողմնակիցները նենց են նեղսրտել իրենց գուրուի՝ Նիկոլի հետ բանավիճելու հնարավորությունից, կարծես թե 2008 թվականին ես էի իրեն հետս հարթակ հանել, կողս կայացրել, բանտում տիրություն անում, հանուն իրեն բանտից հանելու գնում Սերժի հետ բանակցությունների, դրանով իսկ խուրդելով մի ողջ շարժում, ու վերջում էլ Նիկոլին տալիս պատգամավորական մանդատ։ Ինչպես նկատել էին հին շումերները, մենք պատասխանատու ենք նրանց համար ում ծնել ու սնել ենք։ Վախտին էր պետք ամաչել Նիկոլից...

*Ռոբերտ Քոչարյանի կողմնակիցները խիստ տարակուսում են թե ոնց կարա իրենց վոժդը բանավիճի Նիկոլի հետ, պատահաբար մոռանալով որ այդ նույն Նիկոլն ա իրենց առաջնորդին մի քանի անգամ ուղարկել բանտ, ու հիմա էլ նորից քաշ ա տալիս դատարաններով, մի հատ անչափահաս դատավորի շուրթերով առավելագույնը նվաստացնելով նրան։ Եթե ճակատագիրդ հանձնված տանում ես Նիկոլի կողմից քո ու քո ընտանիքի նկատմամբ իրականացվող բոլոր է քմահաճույքները, ապա դրանց ֆոնին բանավեճը ինչ-որ առումով կարա դիտարկվի որպես երաժշտական ընդմիջում։ Իհարկե, Նիկոլի դատարանները հարգելը ու իրենց ենթարկվելը ինչ-որ առումով կարար ըմբռնելի թվար, եթե ուղղակի ժամանակին քեզ չդիտարկեիր՝ որպես воин. Ինչպես կասեր մեր ֆիզրուկ Վաչոն, Масть нужно правильно подбирать...
*Սերժն ու իր կողմնակիցները նենց են աղաղակում ու տարակուսում Նիկոլի հետ բանավիճելու հնարավորության ինքնին փաստից, կարծես թե 2018 թվականին Մարիոթ հյուրանոց Նիկոլի հետ բանակցելու ես էի գնացել։ Ու ոչ միայն բանակցելու, այլ վերջում հայտարարելու, թե բա Նիկոլը ճիշտ էր, ես սխալվեցի ու սկուտեղի վրա իշխանությունը հանձնելու նրան։ Վախտին էր պետք սենց արծիվ կտրել։ Ոնց որ կասեր վարպետը, не ссы Маша, я Дубровский»: