«Առանց տոմսի կամ իրենց չպատկանող արտոնյալ տոմսով երթևեկողները տուգանվելու են»․ Տիգրան Ավինյան

«Յուրաքանչյուր տեխնոլոգիական և վարվելակերպի փոփոխություն ժամանակ է պահանջում, և այն բոլոր դժվարությունները, որ ունենք, երևանցիները շատ լավ մեզ հետ հաղթահարում են: Մենք աշխատում ենք այն ուղղությամբ, որ բոլոր համակարգերը մաքսիմալ արդյունավետ սկսեն գործել և առկա խնդիրները վերացված լինեն»,- ամփոփիչ ասուլիսում ասաց Երևանի քաղաքապետ Տիգրան Ավինյանը:

«Մի փուլում, երբ վստահ լինենք, որ բոլոր համակարգներն իրապես գործում են, բոլոր արտոնյալ խմբերն իրապես ունեն հասանելիություն իրենց արտոնություններին, այդ ժամանակվանից մեր հասարակական կարգի պահպանության աշխատակիցներն արդեն պարբերաբար այցելելու են ավտոբուսներ, և առանց տոմս երթևեկող, արտոնյալ, բայց իրենց չպատկանող տոմսով երթևեկող անձանց տուգանելու են»,- հավելեց քաղաքապետը: