Չորեքշաբթի, 13 օգոստոսի, 2025 թ.
|
Ստեփանակերտում`   +22 °C

33-ամյա տղամարդը կրակ է բացել հարևանի տան ուղղությամբ

33-ամյա տղամարդը կրակ է բացել հարևանի տան ուղղությամբ
254
Ուրբաթ, 27 դեկտեմբերի, 2024 թ., 18:06

Դեկտեմբերի 26-ին ոստիկանության օպերատիվ կառավարման կենտրոն հաղորդում է ստացվել, որ Հաղթանակ թաղամասի տներից մեկի վրա կրակում են։ Դեպքի վայր ժամանած Քրեական ոստիկանության Երևան քաղաքի վարչության և Համայնքային ոստիկանության Մալաթիայի բաժնի ծառայողները համատեղ, սպանության փորձ կատարելու կասկածանքով, Մալաթիայի բաժին են տեղափոխել 33-ամյա տղամարդու։

Հաղթանակ թաղամասի 47-ամյա բնակչուհին հաղորդում է ներկայացրել, որ իրենց 33-ամյա հարևանը, ում հետ նախկինում խնդիրներ են ունեցել, 15-20 անգամ կրակել է իր տան ուղղությամբ, ինչի հետևանքով վնասվել է վագոն-տնակը, կոտրվել են ապակիները:

Ըստ կնոջ՝ 33-ամյա հարևանը նկատելով, որ ինքն ու ամուսինը վագոն տնակում են, կրակել է նաև նրանց ուղղությամբ։ Կրակոցների հետևանքով ամուսինները չեն տուժել, նրանց պատճառվել է միայն գույքային վնաս։ 33-ամյա տղամարդը և կազմված փաստաթղթերը ներկայացվել են Մալաթիայի քննչական բաժին: