«Նիկոլն է լեզու դրել թե՛ Լուկաշենկոյի, թե՛ Ալիևի, թե՛ մյուսների բերանը». Արմեն Աշոտյան

Օգտատերերից մեկի ուղղած հարցին՝ ինչպե՞ս կգնահատեք Փաշինյան-Լուկաշենկո վերջին ընդհարումը, ՀՀԿ փոխնախագահ Արմեն Աշոտյանը տնային կալանքի կրման վայրից պատասխանել է. «Երբևէ Հայաստանի որևէ ղեկավար թույլ չի տվել, որ իր հետ այնպես խոսեն, ինչպես միջազգային հարթակներում խոսում են Նիկոլի հետ։
Երբևէ Հայաստանի ոչ մի ղեկավար չի եղել արտաքին քաղաքական բուլինգի և թրոլինգի թիրախ, ինչպես Նիկոլն է։

Նիկոլն է լեզու դրել թե՛ Լուկաշենկոյի, թե՛ Ալիևի, թե՛ իրեն առերես կամ մեջքի հետևից ծաղրող մյուսների բերանը։

Իսկ քովիդային կռուտիտը՝ դրան նախորդած և հաջորդած դրսևորումներով, պարզապես զավեշտ էր։ Այդ բուն բանավեճում ոչ մի պետական շահի կամ ազգային երանգի խնդիր չկար։ Պարզապես Ալիևի քիփը «հագել» էր Ալիևի վասալին»։