«Ադրբեջանցիներն այդպես էլ չհամարձակվեցին բնակեցնել Արծվաշենը». Կարեն Հեքիմյան

Հասարակական գործիչ Կարեն Հեքիմյանի ֆեյսբուքյան գրառումը. «33 տարվա բռնազավթման ընթացքում, ադրբեջանցիներն այդպես էլ չհամարձակվեցին բնակեցնել ՀՀ միջազգայնորեն ճանաչված և անբաժանելի մաս կազմող Արծվաշենը: Ավելին՝ 40 քառ. կմ. տարածություն ունեցող Արծվաշենի տարածքում այս պահին չկա որևէ հիմնական շինություն: Թերևս, բացառություն է կազմում Արծվաշենի լճի ափին տեղադրված (ոչ հիմնական կառույց) տաղավարն ու մի քանի սեղանը: Ըստ ադրբեջանցիների, դա «Ընտանեկան ռեստորան է»:
Ամեն դեպքում, ես ցանկանում եմ, որ այդ «ռեստորանը» չքանդվի, մնա, քանզի նախ՝ Արծվաշենը հետ բերելուց գոնե առաջին մի քանի օրը սեղան և աթոռ կունենանք: Եվ հետո՝ ինչ-որ բան արծվաշենցիներին պետք է հիշեցնի Արծվաշենի բռնազավթման տարիների մասին:
Եվ, ուրեմն, .... մնում է հետ բերենք Արծվաշենը»։