«Փաշինյանը պատերազմի պատասխանատվությունը իր վրայից գցում է՝ հերթով մեղավորներ նշանակելով»․ Գեղամ Մանուկյան

279

Շաբաթ, 04 հունվարի, 2025 թ., 20:36

«Վերջին շրջանում ճիգ գործադրելով՝ ապահերոսացման գործընթաց է սկսվել։ Տիրան Խաչատրյանի դեպքը ևս տեղավորվում է իշխանական այդ շոուի մեջ»,-այս մասին լրագրողների հետ զրույցում նշեց «Հայաստան» խմբակցության պատգամավոր Գեղամ Մանուկյանը։

«Որքանով տեղյակ եմ՝ այս քրեական գործը 2021թ․ է սկսվել, Տիրան Խաչատրյանը դեռ այն ժամանակ է հարցաքննվել, անցել է 4 տարի, ի՞նչ կարիք կար, որ Քննչականը գար՝ Տիրան Խաչատրյանին իր բնակարանից տանելու, եթե կարող էին նրան հրավիրել Քննչական։ Իրականում հիմա փորձ է արվում ցույց տալու, որ տեսեք՝ քրեական գործով ազգային հերոս է անցնում։ Նույն ապահերոսացման քաղաքականությունն է ընթանում․ Նիկոլ Փաշինյանի մտքերի հորդանքն է և կոնկրետ գործողություններ․ այս ամենը Զինված ուժերի դեմ արշավի տրամաբանության ներքո է իրականացվում»,- նշեց պատգամավորը՝ ընդգծելով՝ Փաշինյանը պատերազմի ողջ պատասխանատվությունը իր վրայից գցում է՝ հերթով մեղավորներ նշանակելով։

Մանուկյանի դիտարկմամբ՝ իշխանական այս քաղաքականությունն ամբողջությամբ ուղղված է բանակի կազմալուծմանը, բանակին բարոյապես ոչնչացնելուն, ինչը նաև արտաքին թելադրանքով գործունեություն է։