Կորեայի տրանսպորտի նախարարը ավիավթարի պատճառով մտադիր է հրաժարական տալ

Երեքշաբթի Հարավային Կորեայի տրանսպորտի նախարարը հայտարարել է, որ մտադիր է հեռանալ պաշտոնից՝ ստանձնելով դեկտեմբերի 29-ին Jeju Air-ի կողմից շահագործվող Boeing ինքնաթիռի վթարի պատասխանատվությունը:
Հիշեցնենք, որ Jeju Air 7C2216 օդանավը, որը Թայլանդի մայրաքաղաք Բանգկոկից մեկնում էր Հարավային Կորեայի հարավ-արևմուտքում գտնվող Մուան, անհաջող վայրէջք էր կատարել և շրջվել տարածաշրջանային օդանավակայանի թռիչքուղու վրա՝ բախվելով ամբարտակին: Պատահարի հետևանքով զոհվել էր 179 մարդ։
«Ես մեծ պատասխանատվություն եմ զգում այս աղետի համար»,- ասել է Պակ Սանգ Վուն մամուլի ճեպազրույցում։