«Գաղթասրբավայր «Լոս»-ի համար ողբ տարածելը կարծես «որտեղ հաց, այնտեղ կաց»-ի հերթական քարոզը լինի»․ Վահե Գրիգորյան

Սահմանադրագետ Վահե Գրիգորյանի ֆեյսբուքյան գառումը․ «Մեկուկես տարի առաջ Հայաստանի կատարյալ անգործության ու հանցավոր լռության պայմաններում Ղարաբաղի հարցը փակվեց՝ Ղարաբաղը օկուպացվեց ու հայաթափվեց, իսկ տեղի Հայությունը տեղահանվեց:
Նախորդ տարի Սիրիայի բազմահազարանոց Հայկական բնակչությունը ողջ Սիրիայի հետ միասին հայտնվեց Թուրքիայի ուղիղ ֆինանսավորմամբ ու զինմամբ գործող զինյալների տիրապետության ներքո:
Այսօր վառվում է Լոս Անջելեսի մի մասը:
Այս երեք իրադարձություններից աշխարհասփյուռ հայությանը կարծես առավել հուզել է հենց երրորդը. քիչ առաջ էլ մի խումբ արտիստներ են «ողբ» տարածել. մոտավորապես այն նույն արտիստներից էլ կան, ովքեր ժամանակին տարբեր ծրագրերով «Հայրենիք» են երգել, հետո Մեքսիակայով ու Գրին քարտով հասել են ԱՄՆ՝ Լոս (Անջելես), իսկ մեկուկես տարի առաջ լուռ նստած էին կամ հնարավորինս զուսպ էին խոսում Արցախի կորստի մասին. Սիրիայից Հայությանը Հայաստան տեղափոխելու մասին ևս խոսք չեղավ. դե, հովանավորներ կան, կապեր կան, խողովակներ կան, հո՞ չեն կորցնելու:
Իսկ այսօր ողբ է՝ այրվում է 21-րդ դարի Հայության «գաղթասրբավայր» դարձած «Լոս»-ը.
Լոս Անջելեսը ո՛չ Հայաստանում է, ո՛չ պատմական Հայաստանում է, ո՛չ էլ անապահով մի վայր է. ԱՄՆ նոր նախագահ Թրամփը թրիումֆով ամենը կվերականգնի. դուք ձեր խնդիրներին նայեք։
Քավ լիցի, թող ոչ ոք չտուժի հրդեհից, բայց Լոս Անջելեսի հրդեհի համար համահայկական ողբ տարածելը կարծես գաղթելու, «այնտեղ հաց, այնտեղ կաց»-ի ու անհայրենիքության հերթական քարոզը լինի։
Այդպես լավ չէ. առաջարկեք, որ համահայկական հիմնադրամը մի հատ էլ Լոսը վերանորոգելու համար դրամահավաք անցկացնի։
Թող ոչ ոք հրդեհից չտուժի, բայց Արցախն էր Մերը, Մեր Հայրենիքը, Հայաստանն է Մերը ու Մեր Հայրենիքը, ու անգամ այս պարագայում Հայի համար Հայաստանից լավ ու հրաշալի, թանկագին ու սիրելի տեղ չկա ու չի կարող լինել. լինի Լոս Անջելես, Մոսվկա թե Փարիզ ու Պեկին:
Շնորհակալություն»։