«Թե բա` իրավունքների ցանկը տվել են ձեռը, հերիք ա». Հովհաննես Քոչարյան

Փաստաբան Հովհաննես Քոչարյանի ֆեյսբուքյան գրառումը․ «Ըստ նախաքննության մարմնի, փաստորեն, ոստիկանության կողմից առանց տեսագրման անձնական խուզարկություն իրականացնելը, ինչպես նաև առանց բերման ենթարկվածի իրավունքները պարզաբանելու և մեղադրյալի հարցաքննության կանոնները փաստացի պահպանելու ձերբակալման արձանագրությունում խոստովանական վերցնելը շատ օրինավոր գործողություններ են։ «Թե բա՝ իրավունքների ցանկը տվել են ձեռը, հերիք ա»։ Հակառակն արձանագրելու միջնորդություններս, նման արատավոր ապացույցների անթույլատրելիությունը հաստատելու խնդրանքով, առանձին դաժանությամբ մերժվել են։ Բողոքարկել եմ. սպասում եմ դատախազության արձագանքին։ Կամ օրինականությունը կվերականգնվի, կամ կհիմնավորվի օրինականության վերաբերյալ մեր «սին» ու «կանխակալ» պատկերացումը»։