Սև ծովի հատակին նստած է մոտ 5000 տոննա մազութ

Լցանավի խորտակումից հետո Սև ծովի հատակին նստած է մոտ 5000 տոննա մազութ, ասել է Կրասնոդարի շրջանի նահանգապետ Վենիամին Կոնդրատևը։

«Մոտ 5000 տոննա ինչ-որ տեղ նստած է հատակին։ «Դա դոնդողանման զանգված է, որը ոչ մի տեղ չի շարժվում», - ասել է նահանգապետը: Կոնդրատևը նշել է, որ լողափերը նավթամթերքից մաքրելուց հետո անհրաժեշտ կլինի դրանք վերականգնել։ Հեռացված ավազը կարելի է մաքրել մազութից, սակայն այն կարող է օգտագործվել միայն ճանապարհաշինության մեջ։

ՌԴ Արտակարգ իրավիճակների նախարարությունը հայտնել է, որ մազութով աղտոտվածություն է հայտնաբերվել Յալթայի ափին, ինչպես նաև Կերչում, Եվպատորիայում, Ղրիմի Սակսկի, Չեռնոմորսկի, Լենինսկի շրջաններում, Տուզլա կղզում և ծովում։

Հունվարի 2-ին ՌԴ տրանսպորտի նախարարությունը հայտարարեց, որ վթարի հետևանքով Volgoneft-239 և Volgoneft-212 լցանավերով տեղափոխվող 9,2 հազար տոննա մազութից մոտ 2,4 հազար տոննան թափվել ծովը։ Դեկտեմբերի 15-ին տեղի ունեցած վթարից հետո մաքրման աշխատանքները շարունակվում են։ Այս ընթացքում միայն Անապայի ափերից և Կրասնոդարի երկրամասի Տեմրյուկ շրջանից դուրս է բերվել մոտ 155 հազար տոննա ավազ և մազութ։ Եվս 43,5 հազար տոննա աղտոտված հող է հավաքվել Ղրիմում։

Հունվարի 10-ին «Վոլգոնեֆտ-239» լցանավի ետնամասի զննման ժամանակ նոր արտահոսք է հայտնաբերվել՝ մոտ 2,8 հազար քառակուսի մետր մակերեսով։ Մազութը լցվել է նաև Ազովի ծովի ափ, Զապորոժիայի շրջանի բռնազավթված Բերդյանսկի մոտ: Աղտոտված տարածքի երկարությունը կազմել է 14,5 կմ, հայտնել է Ռուսաստանի կողմից նշանակված ղեկավար Եվգենի Բալիցկին։

Ավելի վաղ հայտնել էինք, որ դեկտեմբերի 15-ին Սև ծովում փոթորկի հետևանքով խորտակվել են Volgoneft-212 և Volgoneft-239 լցանավերը, որոնք տեղափոխում էին ավելի քան 9000 տոննա նավթամթերք։