Քալիֆորնիայի հրդեհների տնտեսական վնասը գերազանցել է 250 մլրդ դոլարը․ #AccuWeather

2950

Երեքշաբթի, 14 հունվարի, 2025 թ., 13:13

Քալիֆորնիա նահանգի Լոս Անջելեսի շրջանի անտառային հրդեհների տնտեսական վնասը գերազանցել է 250 միլիարդ դոլարը, հայտնում է AccuWeather խորհրդատվական ընկերությունը։

«Քամուց արագ տարածվող այս դժոխային կրակը դարձել է ԱՄՆ ժամանակակից պատմության մեջ ամենավնասաբերը»,- ասել է AccuWeather-ի գլխավոր օդերևութաբան Ջոնաթան Փորթերը: Ընկերության գնահատմամբ՝ աղետի հասցրած վնասը գնահատվում է 250-275 միլիարդ դոլար, ինչն ավելին է, քան 2024 թվականին «Հելենա» փոթորկի, ինչպես նաև 2020 թվականի անտառային հրդեհների վնասը:

Ավելի վաղ ԱՄՆ նորընտիր նախագահ Դոնալդ Թրամփը Քալիֆորնիայում բռնկված հրդեհները համեմատել էր միջուկային հարվածի հետ։