Մահացել է ամերիկաբնակ բարերար Սարգիս Բեդևյանը

204

Շաբաթ, 18 հունվարի, 2025 թ., 10:24

Մահացել է ամերիկաբնակ ազգային բարերար Սարգիս Բեդևյանը։ Այս մասին հայտնում է Մայր Աթոռը։
«Նա օժանդակել է Սևանի Վազգենյան դպրանոցի կայացմանը: Հովանավորել է Գյումրիում հանրակրթական դպրոցի կառուցումը: Նրա բարերարությամբ Վանաձորում կառուցվել է Սուրբ Գրիգոր Նարեկացի Մայր եկեղեցին, որի օծումից 3 տարի անց շահագործման է հանձնվել Հայորդյաց տունը: Հին վեհարանի հարավ-արևմտյան հատվածում գտնվող Խրիմյան թանգարան-պատկերասրահը, որ կառուցել է Մկրտիչ Խրիմյան կաթողիկոսը՝ 1896 թվականին, հիմնանորոգվել է Սարգիս և Հռութ Բեդևյանների բարերարությամբ: Բեդևյան ընտանիքն իր նպաստն է բերել Էջմիածնի Մայր Տաճարի նորոգմանը»,- ասված է հաղորդագրությունում։

Աղբյուրը` Մայր Աթոռ Սուրբ Էջմիածին