«Առաջիկա օրերին Թրամփն էլ մի շարք անձանց ներում կշնորհի». Հովհաննես Ավետիսյան

Հանրային կառավարման մասնագետ Հավհաննես Ավետիսյանի ֆեյսբուքյան գրառումը. «Արդեն ԱՄՆ-ի նախկին նախագահ Բայդենն իր կառավարման ավարտից ժամեր առաջ կանխարգելիչ (սպասվելիք մեղադրանքներից) ներում է շնորհել հունվարի 6-ին Սենատի վրա հարձակված նախագահ Թրամփի աջակիցների և Թրամփի վրա քրեական վարույթներ հարուցելու հանձնաժողովում ներգրավված անձանց: Նաև այս կանխարգելիչ ներումից է շնորհվել բժիշկ Ֆաուչիին, ով քովիդի խնդրով ԱՄՆ-ի գլխավոր բժիշկն էր: Թրամփն ու հանրապետականները սրան մեղադրում են քովիդի իրական պատճառները թաքցնելու և հանրությանը սխալ ուղղորդումներ տալու մեջ:
Կարծում եմ՝ առաջիկա օրերին Թրամփն էլ մի շարք անձանց ներում կշնորհի, մասնավորապես նրանց, որ հունվարի 6-ի գործով բանտերում են հիմա:
Սեփական քմահաճույքով այս ներումների արշավը գալիս է՝ թաքցնելու համակարգային լուրջ և խորքային խնդիրներ ու ձախողումներ: Եվ սրանք այնպիսիք են, որ ժողովրդավարության հենասյուն արդարադատության համակարգը քայքայման են հանգեցնում:
Զարմանալի չէ, որ ԱՄՆ-ի նախկին նախագահ Բայդենի ներկայացուցիչները աչք են փակում նիկոլյան ապօրինությունների և քաղաքական հետապնդումների վրա՝ Հայաստանում:
Բայց, ի տարբերություն ԱՄՆ-ի, Հայաստանում նիկոլին կանխարգելիչ ներումներ չեն շնորհվելու, և նա՝ իր բոլոր հանցակից պաշտոնյաների հետ կանգնելու է հայկական արդարադատության առաջ»: