Նոր Խարբերդում 39-ամյա տղամարդու դի է հայտնաբերվել

Նոր Խարբերդի Աջափնյակ փողոցում գտնվող տներից մեկում այսօր տղամարդու մարմին է հայտնաբերվել։

Ինչպես հայտնում է ֆոտոլրագրող Գագիկ Շամշյանը՝ դին հայտնաբերվել է տան բազմոցին՝ կիսապառկած վիճակում, դեմքի և մարմնի տարբեր մասերի վրա վնասվածքի հետքեր են եղել։

Իրավապահները պարզել են, որ մահացածը Լոռու մարզի բնակիչ 39-ամյա Արտաշես Մ-ն է։ Երեկ նրա ծննդյան օրն է եղել, իսկ նշված տանը նա ապրել է վարձակալական հիմունքներով: