Շաբաթ, 15 օգոստոսի, 2026 թ.
|
Ստեփանակերտում`   +24 °C

«Եկամուտների վերաբերյալ տեղեկատվությունը կօգտագործվի նաև սոցիալական աջակցության ծրագրերի իրագործման համար»․ Օրի Ալավերդյան

«Եկամուտների վերաբերյալ տեղեկատվությունը կօգտագործվի նաև սոցիալական աջակցության ծրագրերի իրագործման համար»․ Օրի Ալավերդյան
607
Ուրբաթ, 24 հունվարի, 2025 թ., 17:48

Ի՞նչ խնդիր է իրականում լուծում համընդհանուր եկամտի հայտարարագիրը։ Այս հարցի շուրջ էր այսօր քննարկում կազմակերպվել «Մեդիա կենտրոն»-ում։
Հիշեցնենք, որ ավելի քան 700 հազար մարդ մինչև մայիսի 1-ը պետք է ներկայացնի հայտարարագիր՝ մանրամասնելով վերջին մեկ տարվա ընթացքում իրենց հաշիվներին մուտքագրված գումարի չափը։
ՀՀ ֆինանսների նախարարության եկամուտների քաղաքականության և վարչարարության մեթոդաբանության վարչության պետ Օրի Ալավերդյանը, ներկայացնելով հայտարարագրման նպատակը, ասաց․ «Հայտարարագրման համակարգի ներդրման առաջնային նպատակը ՀՀ քաղաքացիների եկամուտների վերաբերյալ համապարփակ տեղեկատվություն հավաքելու հնարավորությունների, մեխանիզմների ստեղծումն է, որը պետք է օգտագործվի հետագայում նաև պետության կողմից սոցիալական աջակցության ծրագրերի իրագործման, դրանց թիրախայնությունն ապահովելու համար։ Պետությունն ուզում է հասկանալ, թե Հայաստանի քաղաքացիներն ինչպիսի եկամտային պորտֆել ունեն: Թերևս սա է պատճառը, որ հայտարարագրման համակարգի մասնակից են այն քաղաքացիները, որոնք համարվում են Հայաստանի Հանրապետության ռեզիդենտ, որոնք տարվա մեծ մասը բնակվում են ՀՀ-ում: Դրանք այն մարդիկ են, որոնք հետագայում հասցեատեր են լինելու պետական աջակցության ծրագրերին»,- ասաց Օրի Ալավերդյանը:

«Ի՞նչ խնդիր է իրականում լուծում համընդհանուր եկամտի հայտարարագիրը» թեմայով քննարկում

Կարդացե՛ք նաև