Հայաստանում բանկային գաղտնիքը երբեք այսքան ապականված չի եղել, ինչպես հիմա է»․ Էդմոն Մարուքյան

211

Չորեքշաբթի, 29 հունվարի, 2025 թ., 22:18

ԼՀԿ նախագահ Էդմոն Մարուքյանի թելեգրամյան գրառումը․ «Չափազանց պարզունակ մանիպուլյացիա․

իշխանությունները և մասնավորապես, ԱԺ «Քաղաքացիական պայմանագիր» խմբակցության
պատգամավոր Բաբկեն Թունյանը պնդում են, որ պետությունը չունի հասանելիություն քաղաքացիների բանկային հաշիվներին:

Մինչդեռ մենք գիտենք, որ վերջին տարիներին տարբեր օրենսդրական փաթեթներով առնվազն 3 պետական մարմին, միասին վերցրած՝ 1000-ից ավելի աշխատակիցներով, ստացել են հասանելիություն քաղաքացիների բանկային հաշիվներին։ Դրանք են՝ Կոռուպցիայի կանխարգելման հանձնաժողովը, Պետական եկամուտների կոմիտեն և Հակակոռուպցիոն կոմիտեն։

Այնպես որ, պետք չէ մոլորեցնել մարդկանց, թե իբր պետությունը և պետական որևէ աշխատող չունեն նման հասանելիություն, և այդ պատճառով հավելյալ տեղեկություններ եք հավաքում Հայաստանի Հանրապետության քաղաքացիներից։

Հայաստանում բանկային գաղտնիքը երբեք այսքան ապականված չի եղել, ինչպես հիմա է»:

Աղբյուրը` Էդմոն Մարուքյան