«ԵԱՏՄ-ին անդամակցությունը տնտեսական առավելություններ է տալիս Հայաստանին»․ Զախարովա

534

Ուրբաթ, 31 հունվարի, 2025 թ., 13:48

ԵԱՏՄ-ն նախևառաջ տնտեսական շահերի մասին է, և միությանն անդամակցելը Հայաստանին հենց տնտեսական լուրջ առավելություններ է տալիս։ Այս մասին ճեպազրույցի ժամանակ խոսել է ՌԴ ԱԳՆ պաշտոնական ներկայացուցիչ Մարիա Զախարովան։

«Խոսքը երկրի տնտեսական աճին նպաստելու մասին է՝ ԵԱՏՄ-ի ներսում մաքսային սահմանների բացակայության շնորհիվ, և դա Հայաստանի համար տնտեսական մեծ առավելություն է», նշել է Զախարովան՝ վկայակոչելով Հայաստանից դեպի ԵԱՏՆ անդամ երկրներ արտահանման ծավալների տասնապատիկ ավելացումը։

Ինչ վերաբերում է Հայաստանի կողմից ԵՄ-ի հետ անդամակցության գործընթացին, Զախարովան մեջբերել է ՌԴ փոխվարչապեստ Օվերչուկի հայտարարությունը, թե ԵՄ-ին անդամակցությունը Հայաստանի համար կփակի ԵԱՏՄ-ի շուկան։

«Դա Երևանի ինքնիշխան իրավունքն է, սակայն պետք է իմանալ՝ ինչ հետևանքների է հանգեցնելու այդ քայլը», նշել է Զախարովան՝ հիշեցնելով, որ Եվրոպան վերջին հերթին է մտածելու Հայաստանի տնտեսական շահերի մասին՝ հաշվի առնելով տնտեսական ոլորտում սեփական ճգնաժամը։

Իսկ Հայաստանի եվրոինտեգրման հետևանքը կարող է լինել հայ բնակչության տոտալ աղքատացումը՝ արտահանման 80 տոկոսով նվազման պայմաններում։