«Մի՛ դարձեք Տարոն Մարգարյան»․ Հովսեփ Կուբատյան

Երևանի ավագանու «Ազգային առաջընթաց» խմբակցության անդամ Հովսեփ Կուբատյանի ֆեյսբուքյան գրառումը․ «Մի՛ եղեք Տարոն Մարգարյանի նման․
2013 թվականին, երբ Տարոն Մարգարյանի ժամանակ ուղեվարձը սահմանել էին 150 դրամ, ինձ շատ մոտ մարդկանցից մեկը աշխատում էր Քանաքեռ-Զեյթունի թաղապետարանում ու պատմում էր, ոնց են թաղապետարանի աշխատողներին հրահանգում նստել տրանսպորտ ու պաշտպանել այդ անհիմն որոշումը։
Նույն ահազանգերը ստանում ենք այս օրերին։
Հազար անգամ ասացինք՝ մի՛ դարձեք Տարոն Մարգարյան։ Եթե մարդիկ հաշտ չեն 150 դրամի հետ, ուզում եք Ախալքալաքից ուղևորներ բերեք (դա էլ ենք տեսել ընտրությունների ժամանակ), ոչ մի բան չի օգնի։