Երկուշաբթի, 20 ապրիլի, 2026 թ.
|
Ստեփանակերտում`   +8 °C

«ԱՄՆ պետական ապարատի ապամոնտաժումն ազդելու է նաև ՀՀ-ի նման «մազից կախված» պետությունների վրա»․ Կարեն Վրթանեսյան

«ԱՄՆ պետական ապարատի ապամոնտաժումն ազդելու է նաև ՀՀ-ի նման «մազից կախված» պետությունների վրա»․ Կարեն Վրթանեսյան
203
Չորեքշաբթի, 05 փետրվարի, 2025 թ., 21:54

Ռազմական փորձագետ Կարեն Վրթանեսյանի ֆեյսբուքյան գրառումը․ «Թրամփը լուրջ դասեր է քաղել ԱՄՆ նախագահության իր առաջին փորձից ու հիմա միանգամից կպել է պետական ապարատն ապամոնտաժելու գործին։

ԱՄՆ կենտրոնական հետախուզական վարչության (այո-այո, էն հայտնի ЦРУ-ի, համարյա 80 տարվա պատմություն ունեցող և ամբողջ աշխարհը թափ տվող կառույցի) բոլոր աշխատակիցներն առաջարկ են ստացել աշխատանքից ազատվելու՝ 8 ամսվա աշխատավարձի չափով դրամական փոխհատուցման դիմաց։

Նրանք, ովքեր վստահ ասում են, թե «ԱՄՆ նախագահը ով ուզում է լինի, միևնույն է պետական ինստիտուտները չեն թողնի, որ բլա-բլա-բլա...», երևի թե ճիշտ կանեն հիմա շատ ուշադիր հետևեն ԱՄՆ-ում կատարվողին։

Հա, ու #աշխարհիԴարդերը կիսահեգնական հեշթեգն այս անգամ չեմ օգտագործի (չնայած օգտագործեցի), որովհետև հաշվի առնելով ԱՄՆ-ի ազդեցությունն աշխարհում՝ սա բոլորի վրա էլ ազդելու է, առավել ևս ՀՀ-ի նման՝ «մազից կախված» պետությունների վրա»։

Աղբյուրը`   Կարեն Վրթանեսյան