«Իրանը դեմ է ցանկացած ճանապարհի, որն իր մեջ կներառի միջանցքի տրամաբանություն»․ Մեհդի Սոբհանի

Իրանի տարածքով Ադրբեջանին առաջարկվող ճանապարհը, որը դեպի Նախիջևան բեռնափոխադրումներ իրականացնելու նպատակով է, գտնվում է Իրանի ինքնիշխանության ներքո, և մաքսային կանոնակարգերը իրականացվում են Իրանի օրենսդրությամբ։ Այս մասին ասուլիսի ժամանակ ասաց ՀՀ–ում Իրանի դեսպան Մեհդի Սոբհանին՝ պատասխանելով հարցին, թե Փաշինյանն ասում է՝ այն նույն պայմանները, որ Իրանն առաջարկել է Ադրբեջանին դեպի Նախիջևան ճանապարհի համար, նաև Հայաստանն է առաջարկում։

Անդրադառնալով ճանապարհների ապաշրջափակմանը՝ նա ասաց․ «Մենք կողմ ենք Հայաստանի տարածքում ճանապարհների ապաշրջափակմանը, բայց այն պետք է իրականացվի ազգային և տարածքային ինքնիշխանության և տարածքային ամբողջականությունը հարգելու հիման վրա: Ցանկացած ճանապարհ, որն իր մեջ կներառի միջանցքի տրամաբանություն, մենք դրան դեմ ենք»,- հայտարարեց դեսպանը։