«Վարորդն իրավունք չունի ո՛չ պահանջել՝ վճարեք, ո՛չ էլ իջեցնել ավտոբուսից»․ Հայկ Մարության

Երևանի նախկին քաղաքապետ, դերասան Հայկ Մարությանը, ով մասնակցում է հանրային տրանսպորտի թանկացման դեմ բողոքի և իրազեկման ակցիաներին, ֆեյսբուքյան իր էջում տեսանյութ է հրապարակել, որում ներկայացնում է, թե ինչպես են բոյկոտում քաղաքացիները և հորդորում է միանալ բոյկոտին ու պայքարել այնքան, մինչև քաղաքային իշխանությունները մեկ ուղետոմսի սակագինը նորից կսահմանեն 100 դրամ։

Խոսելով իրավունքներից՝ Մարությանը նշում է․ «Եթե դուք արդեն ավտոբուսի ներսում եք, վարորդը իրավունք չունի պահանջել՝ վճարել։ Վարորդն իրավունք չունի նաև ձեզ իջեցնել ավտոբուսից։ Նրա միակ պարտականությունն ավտոբուսը վարելն է»։