««Մեր ձևով» նշանակում է հայավարի»․ Նարեկ Կարապետյան

«Ի՞նչ է նշանակում «Մեր ձևով», այս բառակապակցությունը Սամվել Կարապետյանի հայտնի հարցազրույցից հետո թևավոր խոսք է դարձել հայության մեջ ևամբողջ աշխարհում։ Կարծում եմ՝ արդեն բոլորը հասկացել են, որ «Մեր ձևով» նշանակում է հայավարի, այսինքն պատվով, աշխատասիրությամբ և խելքով»,- Սամվել Կարապետյանի «Մեր ձևով» շարժման շնորհանդեսի ժամանակ ասաց շարժման համակարգող խորհրդի գլխավոր պատասխանատու Նարեկ Կարապետյանը։ ««Մեր ձևով» նշանակում է արժանապատվությամբ, այսինքն հանուն մեր երեխաների իրական ու բարեկեցիկ ապագայի, ու մենք ինչ անենք, անելու ենք մեր ձևով»,- ասաց նա։
Նշենք՝ ներկայացվել էր «Մեր ձևով» շարժման հիմնական 5 ուղղությունները՝ համապատասխան աշխատանքային խմբերով՝
1) Տնտեսական հարցերով աշխատանքային խումբ։ Հավաքվելու է համաշխարհային և հայկական տնտեսագետների թիմ, որը մշակելու է Հայաստանի տնտեսական զարգացման նոր մոդելը՝ հետևյալ հիմնական ուղղություններով՝ արդյունաբերություն, գյուղատնտեսություն, բարձր տեխնոլոգիաներ։
2) Երիտասարդ ընտանիքների աջակցության հարցերով աշխատանքային խումբ։ Այն մշակելու է ժողովրդագրական նոր քաղաքականություն՝ ծնելիության աճի խթանում, մայրության դերի բարձրացում, ընտանիքներին աջակցության ծրագրեր, առողջապահության նոր համակարգի ստեղծում։
3) Արտաքին քաղաքականության հարցերով աշխատանքային խումբ, որն ուսումնասիրելու է իրական խաղաղության հաստատման հնարավորությունը, կմշակի ստեղծված աշխարհաքաղաքական իրավիճակին համապատասխան արտաքին քաղաքականություն,
4) Երիտասարդների աջակցության աշխատանքային խումբ, որը մշակելու է տարբեր ոլորտների տաղանդավոր երեխաների և երիտասարդների աջակցության մի շարք ծրագրեր, մանկապատանեկան սպորտի ոլորտում նոր քաղաքականության ծրագրի մշակում՝ մանկությունից մինչև մեծ բեմ։
5) Հայ Առաքելական Սուրբ Եկեղեցու և ազգային արժեքների պահպանության աշխատանքային խումբ։