«Սամվել Կարապետյանը կդառնա «Մեր ձևով» քաղաքական ուժի գաղափարական առաջնորդը»․ Նարեկ Կարապետյան

«Կստեղծվի սկզբունքորեն նոր քաղաքկան ուժ։ Եթե տեսնեինք քաղաքական դաշտում որևէ ուժ, որը կարտացոլեր մեր գաղափարները, հնարավոր է այդ ժամանակ նայեինք այդ ուժի ուղղությամբ, բայց մենք չենք տեսնում»,- «Մեր ձևով» շարժման շնորհանդեսի ժամանակ ասաց Նարեկ Կարապետյանը՝ պատասխանելով լրագրողի հարցին։

Նա նաև հայտնեց, որ Սամվել Կարապետյանը կդառնա «Մեր ձևով» քաղաքական ուժի գաղափարական առաջնորդը։

Հիշեցնենք՝ «Տաշիր» ընկերությունների խմբի սեփականատեր Սամվել Կարապետյանի համախոհներն հայտարարեցին «Մեր ձևով» կամավորական շարժման հիմնադրման մասին։
Շարժումն իրականացնելու է գործողություններ հինգ ուղղություններով, ստեղծվելու է հինգ աշխատանքային խումբ։ Առաջիկա ընտրություններին մասնակցելու համար շարժման հիման վրա կստեղծվի քաղաքական միավոր։