«Փաշինյանն ուզում է սերմանել, թե թույլ ենք, եթե վեր-վեր թռնենք, գլխներիս կտան»․ Արթուր Խաչատրյան

«Բանակցային գործընթաց չկա, կա միակողմանի պարտադրանքի մենյուի ընդլայնում»,- լրագրողների հետ զրուցում ասաց ԱԺ «Հայաստան» խմբակցության պատգամավոր Արթուր Խաչատրյանը՝ նշելով, որ այդ գործընթացի վրա կարող են ազդել Արցախի ռազմաքաղաքական ղեկավարությունից կորզված, կեղծված ցուցմունքները։ «Լինելու են նոր պահանջներ և այդ պահանջների համար Ադրբեջանը դատական պրոցեսի ընթացքում կեղծ հիմքեր է պատրաստում»,- ասաց պատգամավորը՝ չբացառելով, որ թշնամին կարող է գնալ ռազմական բախման։

«Ադրբեջանը ճնշում է գործաադրում, բայց Փաշինյանը դրա մասին չի խոսում։ Նա իր քաղաքականությամբ լեգիտիմացնում է թուրք-ադրբեջնական պահանջները»,- նշեց Խաչատրյանը՝ հավելելով, որ Փաշինյանն ուզում է մարդկանց մեջ հուսահատություն սերմանել, թե փոքր ենք ու թույլ, եթե վեր-վեր թռնենք, գլխներիս կտան։