«Երևանում օդի աղտոտվածությունը անգամ ձյան և քամու պայմաններում վտանգավոր մակարդակի վրա է»․ Հենրիխ Դանիելյան

ՀՀԿ երիտասարդական կազմակերպության ղեկավար Հենրիխ Դանիելյանի ֆեյսբուքյան գրառումը․ «Երևանում օդի աղտոտվածությունը, անգամ ձյան և քամու պայմաններում, շարունակում է մնալ կյանքի և առողջության համար վտանգավոր մակարդակի վրա։ Օդի աղտոտվածության խնդիրը վերածվել է լրջագույն անվտանգային մարտահրավերի մեր քաղաքացիների համար։ Բացի այն, որ գործող իշխանությունները վտանգում են երևանցիների առողջությունը, նրանք նաև էլ ավելի են նվազեցնում Երևանի՝ որպես զբոսաշրջության համար ընդունելի քաղաքի առանց այդ էլ ցածր վարկանիշը՝ տուրիզմի ոլորտում խայտառակ գնաճի և անպատասխանատու քաղաքականության հետևանքով, ինչը վտանգում է ոլորտի զարգացումը և ստիպում զբոսաշրջիկներին նախընտրել տարածաշրջանի այլ երկրներ կամ առնվազն հեռու մնալ Երևանից»։