«Մեր դիվանագիտությունն առաջնորդվում է չվնասելու սկզբունքով»․ Նիկոլ Փաշինյան

Հայաստանի դիվանագիտական կորպուսն ի՞նչ է անում միջազգային հանրության հայացքը դեպի Բաքվի խայտառակ դատավարությունն ուղղելու համար։ Գեղամ Նազարյանը հարցն ուղղեց ԱԳ նախարար Արարարտ Միրզոյանին, սակայն պատասխանեց Նիկոլ Փաշինյանը․ «Ասել եմ, որ ունենք ինֆորմացիա, ինչը հիմա ակնհայտ երևում է․ օգտագործվում են արգելված միջոցներ և խոշտանգումներ։ ՀՀ Կառավարությունը, ի դեմս ԱԳՆ-ի, հանդես է եկել հստակ գնահատականով, և մենք շարունակելու ենք մեր ջանքերը խնդիրը հասցեագրելու ուղղությամբ։ Մեր դիվանագիտությունն անում է այն, ինչ հնարավոր է և առաջնորդվում է չվնասելու սկզբունքով»,- ասաց Փաշինյանը։