«Հեղինակություն վայելող մարդը կո՞ւզի ՔՊ-ի ցուցակ մտնել»․ լրագրողը՝ Նազելի Բաղդասարյանին

Գյումրիում «Քաղաքացիական պայմանագրի» ընտրական ցուցակը քիչ առաջ մուտք է արվել տարածքային ընտրական հանձնաժողով։ Ցուցակում ընդգրկված են քաղաքական թիմի անդամներ, ինչպես նաև Գյումրիում հայտնի մարդիկ, որոնք հարգանք և ճանաչում են վայելում։ Այս մասին այսօր լրագրողների հետ զրույցում հայտարարել է Նիկոլ Փաշինյանի մամլո խոսնալ Նազելի Բաղդասարյանն, ով նույնպես ընդգրկված է ՔՊ-ի նախընտրական ցուցակում։

Իսկ հեղինակություն վայելող մարդը կո՞ւզի ՔՊ-ի ցուցակ մտնել։ Լրագրողի այս հարցին ի պատասխան՝ Բաղդասարյանը նշել է. «Ես և իմ գործընկերները դրա վառ ապացույցն ենք»։