Հայաստանում ընձառյուծի պոպուլյացիան զարգանում է

1257

Շաբաթ, 08 մարտի, 2025 թ., 23:58

Բնության համաշխարհային հիմնադրամի հայաստանյան մասնաճյուղը ֆեյսբուքյան իր էջում գրել է․ «Այս օրը՝ 20 տարի առաջ, դարձավ պատմական, քանի որ առաջին անգամ Հայաստանում լուսանկարվեց ընձառյուծ։
Բացառիկ կադրը դարձավ շրջադարձային բնապահպանական ջանքերի համար՝ հաստատելով տեսակի ներկայությունը Հայաստանում և հիմք դնելով ընձառյուծի պահպանությանն ուղղված հետագա քայլերին։
Տարիների համառ ջանքերի արդյունքում, մենք հասանք կարևոր նվաճման. Հայաստանում ընձառյուծի պոպուլյացիան ոչ միայն գոյատևում է, այլև զարգանում, և վերջերս արձանագրված ընձառյուծի առաջին ձագի ծնունդը Հայաստանում փաստում է այս մասին։
Այս տասնամյակների ուղին լի է նվիրումով, հաստատակամությամբ ու համագործակցությամբ։ Ուստի միասին նշենք այս կարևոր տարեդարձը և շարունակենք բնապահպանությանն ուղղված մեր ջանքերը»։

Աղբյուրը` Բնության համաշխարհային հիմնադրամ