«Ադրբեջանցի պատգամավորն ասում է` Հայաստանը մոռացել է, որ երկաթյա բռունցքը տեղում է». Տաթևիկ Հայրապետյան

Ադրբեջանագետ Տաթևիկ Հայրապետյանը ֆեյսբուքյան գրառմամբ ներկայացրել է Ադրբեջանի իշխող «Յենի Ազերբայջան» կուսակցության ներկայացուցիչ, ադրբեջանցի պատգամավոր Ազեր Բադամովի հարցազրույցից մի հատված․ «Այն, որ ԵՄ հետախուզության աշխատակիցները վերջին շրջանում ակտիվորեն մշտադիտարկում են պայմանական սահմանը և հետախուզական տեղեկատվություն տրամադրում հայկական բանակին ադրբեջանական բանակի տեղակայման վերաբերյալ, նրանց չարամիտ ծրագրերի մի մասն է: Ավելին, ըստ մամուլի հրապարակումների, Հայաստանը նախատեսում է կրկին օկուպացնել պայմանական սահմանի մոտ գտնվող մեր տարածքները՝ ապրիլին կայծակնային արագ պատերազմ սկսելով։
Սակայն նրանք մոռանում են, որ երկաթե բռունցքը տեղում է։ Եթե ​​Հայաստանը փորձի իրականացնել իր ծրագրած ագրեսիան, մեր պատասխանը կլինի շատ կոշտ։ Թող նրանք մտածեն հետևանքների մասին, քանի դեռ ուշ չէ և զերծ մնան պատերազմ սկսելուց․․․ Եթե ​​Հայաստանը պատերազմ սկսի մեր տարածքները կրկին օկուպացնելու մտադրությամբ, ապա Հնդկաստանից և Ֆրանսիայից ձեռք բերված մարտական ​​տեխնիկան ի վերջո կցուցադրվի մեր Հաղթանակի զբոսայգում։ Այնտեղ բավականաչափ տեղ կա նոր ցուցանմուշների համար։ Բացի այդ, հայ ժողովուրդը պետք է պատրաստ լինի ավելի շատ դագաղներ ընդունելու․․․»։
Տաթևիկ Հայրապետյանը գրում է․ «Երբ ունես նման կանխատեսելի ու վտանգավոր հակառակորդ, բայց ոչ մի իրական քայլ չես անում զսպելու համար, այլ փոխարենը պատրաստ ես նրան զիջել վերջին խաղաքարտերդ անգամ, դա նշանակում է կամ կատարյալ տգետ ես, կամ անթաքույց կոլաբորանտ։ Ես իմ կարծիքը շուտվանից ասել եմ, թե որ տարբերակին եմ հակված»