«Միրզոյանը դիտավորյալ վիրավորեց լրագրողներին, որ պարզաբանումներ չտա նոր կապիտուլյացիայի վերաբերյալ»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Հասկացա՞ք, թե արտգործնախարար Արարատ Միրզոյանը ինչո՞ւ էր խուսափում հայաստանցի լրագրողներից, նրանց հարցերից, որպեսզի նրանց պարզաբանումներ չտա Ադրբեջանի առաջ նոր կապիտուլյացիայի սարսափելի մանրամասների վերաբերյալ։ Նա դիտավորյալ լրագրողներին վիրավորեց, որպեսզի նրանց իրենից հեռու պահի։ 2018-ին Նիկոլ Փաշինյանին դրսի ու ներսի հզոր ուժերը թավշյա հեղափոխություն-քաղաքական թատրոն-դավադրությամբ իշխանությունը հանձնեցին, որպեսզի նա Արցախը հանձնի,Հայաստանն էլ կապիտուլյացիա ենթարկի Ադրբեջանի ու Թուրքիայի առաջ։ Նա այդ ծրագիրը կատարում է գերազանց, քայլ առ քայլ ։ Արդեն հասնում ենք դժոխքի վերջին պահունակին»։