«Գերիների վերադարձի հարցը պետք է լիներ խաղաղության օրակարգի կարևոր պայման»․ Մանե Թանդիլյան

«ՀՀ իշխանությունները գերիների վերադարձի հարցը պետք է պահեին օրակարգում, պետք է բանագնացներ ունենային՝ այս հարցով բանակցելու, որովհետև սա պետք է լիներ խաղաղության օրակարգի կարևորագույն պայման»,-Կառավարության շենքի դիմաց բողոքի ակցիայի ժամանակ, լրագրողների հետ զրույցում ասել է «Ապրելու երկիր» կուսակցության համահիմնադիր Մանե Թանդիլյանը՝ ընդգծելով, որ իշխամությունները այս հարցը ամբողջությամբ հանել են օրակարգից, ավելին՝ այս հարցով զբաղվողներին հորդորել են՝ չզբաղվել: Թանդիլյանի խոսքով՝ խաղաղություն չի կարող լինել, եթե Բաքվում կան գերիներ: «Տարբեր միջազգային կազմակերպություններ, լոբիստական խմբեր, որոնց հետ մենք շփումներ ենք ունենում, ասում են՝ ձեր իշխանությունների օրակարգում սա չկա, մենք կարող ենք աջակցել, բայց չենք կարող մենք լինել սրա առաջ տանողը»,-նշել է Թանդիլյանը՝ հավելելով, որ իշխանությունները գոնե գերիների ընտանիքների հետ պետք է կապի մեջ լինեին՝ պատմելու, թե ինչ պրոցեսներ կան: