«Ադրբեջանի կողմից զորքերի տեղաշարժ չկա»․ Սուրեն Պապիկյան

«Ադրբեջանի կողմից զորքերի տեղաշարժ չկա»,- լրագրողների հետ ճեպազրույցի ժամանակ հայտնեց ՀՀ ՊՆ նախարար Սուրեն Պապիկյանը՝ նշելով, որ չգիտի, թե ինչու են ադրբեջանական զորքերի շարժի և կուտակումների վերաբերյալ սուտ լուրեր տարածվել։ Անդրադառնալով վերջին օրերին ադրբեջանական կողմից տարածվող ապատեղեկատվություններին՝ նախարարն ասաց․ «Քանի որ մեղադրողը մեր հարևաններն են, ասել ենք՝ ապացույցներ տրամադրեք։ Մինչ օրս չեն ներկայացրել Հայաստանի կողմից առաջնագծում հրադադարի ռեժիմը խախտելու փաստեր և ապացույցներ»։