«Ի՞նչ իրավունքով է ՆԳՆ-ն Գրիգորի Սահակյանից պահանջում հաղորդում ներկայացնել իմ դեմ». Ռոման Երիցյան

Քիչ առաջ ՆԳՆ-ի դիմաց ընթացող ակցիայի մասնակիցների հետ հանդիպման եկավ ՆԳՆ-ի մամուլի քարտուղար Նարեկ Սարգսյանը:
Նրան դիմելով՝ փաստաբան Ռոման Երիցյանն ասաց. «Սկսենք վերջից, ինձ հետաքրքիր է՝ ինչ իրավական գործընթաց է նախաձեռնում ՆԳՆ-ն իմ նկատմամբ և ինչ իրավունքով է քաղաքացիներից պահանջում հաղորդում ներկայացնել իմ դեմ: Խոսքը վերաբերում է Գրիգորի Սահակյանին: Եթե պատրաստվում եք իմ ասածը հերքել, խնդրում եմ գրավոր ապացույցներով հերքել: Գրիգորի Սահակյանին 2 օր առաջ կանչել եք ՆԳՆ ու փորձել եք համոզել՝ իմ նկատմամբ հաղորդում ներկայացնի, եթե այդպես չէ, ապա ինչո՞ւ եք կանչել»:
Ի պատասխան Նարեկ Սարգսյանն ասաց, թե պետք չէ մանիպուլացնել, թե ՆԳՆ-ն ինչ-որ արշավ է սկսել ինչ-որ անձի նկատմամբ: Նաև հորդորեց չշահարկել բռնի տեղահանվածների թեման:
«Ինչ վերաբերում է կոնկրետ ձեր նշած փաստին, դուք գիտեք, որ քրեադատավարական փոփոխություններից հետո ցանկացած հաղորդում, երբ ներկայացվում է, միանգամից ուղարկվում է նախաքննական մարմին՝ վարույթ նախաձեռնելու հարցը որոշելու համար: Ձեր նշած բոլոր հարցերը վարույթի ընթացքում են որոշվում: Ձեր նշած դեպքը նույնպես հաղորդում է եղել և այն անմիջապես պատշաճ, ըստ կարգի ուղարկվել է Քննչական կոմիտե, որ նախաձեռնվի վարույթ, և դրա ընթացքում ձեր նշած հարցերը նույնպես կքննակվեն»,- ասաց նա:

Առավել մանրամասն՝ տեսանյութում: