«Ես այս թիմի ավագն եմ, ես գիտեմ` ինչ եմ խոսք տալիս». Վարազդատ Հարոյան

Վրաստանի ֆուտբոլի հավաքականից կրած ոչ ֆուտբոլային հաշվով պարտությունից հետո մեր հավաքականի ավագ Վարազդատ Հարոյանը լրագրողների հետ զրույցում խոստացավ, որ սա վերջինը կլինի. «Երկար խոսեցինք, առաջինն ինքներս մեզ խոստացանք, որ նման պարտություններ այլևս չեն լինելու: Հուսով եմ՝ տղեքը ինձ հասկացան: Բոլորը պետք է խոստանան, որ նման խայտառակ պարտություններ էլ չեն լինելու: Ես գիտեմ՝ ինչ եմ խոսք տալիս, ես այս թիմի ավագն եմ, բոլորն իմ ընկերներ են, ամեն ինչ անելու եմ, որ նման խայտառակություններ չլինեն»: