«Փաշինյանը պատրաստ է իրեն տեր ճանաչել ցանկացածին, ով կապահովի իր վերարտադրությունը». Հայկ Մամիջանյան

Ճեպազրույցի ժամանակ ԱԺ «Պատիվ ունեմ» խմբակցության ղեկավար Հայկ Մամիջանյանին հարց ուղղվեց. «Վերջին շրջանում հայ-ռուսական հարաբերություններում ինչ-որ ակտիվություն է նկատվում. միտում նկատո՞ւմ եք, որ փոփոխություններ են տեղի ունենում»: Մամիջանյանը պատասխանեց. «Որևէ բան չի փոխվում: Նիկոլ Փաշինյանը ունի արտաքին քաղաքական մեկ օրակարգ՝ այն միջազգային ուժը, որը կապահովի իր վերարտադրությունը, իր իշխանության մնալը, ինքը պատրաստ է նրա հետ մի այլ կարգի բարիդրացիական հարաբերություններ պահպանել: Փաշինյանը շարունակում է տեր ման գալ և պատրաստ է իրեն տեր ճանաչել ցանկացածին, ով կապահովի իր վերարտադրությունը, և այստեղ աշխարհագրությունը բացարձակ կապ չունի»: