Starlink-ի ծառայություններն արդեն հասանելի են Հայաստանում

Starlink-ի ծառայություններն արդեն հասանելի են Հայաստանում։ Տեղեկությունը ֆեյսբուքյան իր էջում հայտնել է ՀՀ բարձր տեխնոլոգիական արդյունաբերության նախարար Մխիթար Հայրապետյանը։
«Դե ինչ, Starlink-ի ծառայություններն արդեն հասանելի են Հայաստանում:
Ուրախ ենք հայտնել, որ Starlink-ի ծառայություններն արդեն հասանելի են Հայաստանում՝ ապահովելով արագ, հուսալի արբանյակային ինտերնետ՝ քաղաքներից մինչև ամենահեռավոր գյուղերն ու դժվարամատչելի շրջանները։
Ինչո՞ւ է սա կարևոր՝
Թվային ենթակառուցվածքների նոր մակարդակ՝ անվտանգ, որակյալ կապի ապահովմամբ։
Հասանելիություն համաշխարհային առաջատար ծառայություններին։
Կապի նոր հնարավորություններ բոլորի համար՝ անկախ գտնվելու վայրից։
Հաջորդ սերնդի ինտերնետն արդեն Հայաստանում է»:
Հիշեցնենք, որ դեռ 2022 թվականին ՀՀ բարձր տեխնոլոգիական արդյունաբերության նախարարությունից հայտնել էին, որ միլիարդատեր Իլոն Մասկի «SpaceX» ընկերության կողմից գործարկված Starlink ինտերնետ կապը Հայաստանում հասանելի կլինի 2023 թվականից։