«Լճափ համայնքի հարևանությամբ տեղակայվել է հիդրոօդերևութաբանական գերժամանակակից չափիչ կայան»․ Հակոբ Սիմիդյան

Նախօրեին պաշտոնական այցով Հայաստանում գտնվող՝ Գերմանիայի նախագահ Ֆրանկ-Վալտեր Շտայնմայերի հետ մասնակցեցինք Գեղարքունիքի մարզի Լճափ համայնքի հարևանությամբ տեղակայված հիդրոօդերևութաբանական գերժամանակակից չափիչ կայանի բացման արարողությանը։ Այս մասին ֆեյսբուքյան էջում հայտնել է ՀՀ Շրջակա միջավայրի նախարար Հակոբ Սիմիդյանը։
«Կայանի դերը կարևորվում է նրանով, որ այն գտնվում է անմիջապես առափնյա գոտում, որը հնարավորություն է տալիս ստանալ օդերևութաբանական տեղեկատվություն անմիջապես լճի առափնյա հատվածից։
Կայանում տեղադրված գոլորշացուցիչը հնարավորություն կտա հետագայում դիտարկումների տվյալների հիման վրա լրամշակել և ճշգրտել Սևանա լճի մակերևույթից գոլորշացման մեթոդիկան»,- նշել է նախարարը։