«Եթե կնոջ մտքերը չի կիսում, պարտավոր է հրապարակայնորեն ներողություն խնդրել»․ Ժաննա Ալեքսանյան

Իրավապաշտպան Ժաննա Ալեքսանյանը ֆեյսբուքյան էջում գրել է. «Հանրային ռադիոյի տնօրեն Արմեն Քոլոյանի կինը՝ Շուշան Ղազարյանը ատելության խոսք է տարածում հայության մի հատվածի՝ արցախցիների հասցեին։ Տիկնոջ ատելության խոսքն այնքան ցածրորակ է ու գռեհիկ, որ մեջբերում անել չեմ ուզում։

Ակամայից հիշում ես մեծերից մեկի խոսքը․ ով ինչ խոսում է իր մասին է խոսում։ Կիսում է, արդյոք, պետական- հանրային լրատվամիջոցի տնօրենը կնոջ մտքերը, ենթարում եմ՝ այո։

Եթե չի կիսում պարտավոր է հրապարակայնորեն ներողություն խնդրել արցախցիներից և ոչ միայն։ Ատելության խոսքի տարածումը պատախանատվություն է նախատեսում օրենքով և ժամանակն է այս հարցերը կարգավորել իրավական հարթությունում, հատկապես, որ դրանք առնչվում են պաշտոններ զբաղեցնող անձանց հետ, այն էլ հանրային լրատվամիջոցի»։