«Չգիտեմ` ինչ է գրել, զանգահարեք, իր հետ խոսեք». Արմեն Քոլոյանը` կնոջ սկանդալային մեկնաբանության մասին

Հանրային ռադիոյի տնօրեն Արմեն Քոլոյանը լրատվամիջոցների կողմից չափազանց «սիրված է»: Իր պաշտոնը ստանձնելու առաջին իսկ օրվանից նա արեց ամենը, որ թե՛ խմբագրակազմը իրեն չընդունի, թե՛ լրագրողական համայնքը, թե՛ հանրությունը. Հանրային ռադիոյի տնօրենը գեներացրել ու շարունակում է գեներացնել իր հանդեպ հանրային, մեղմ ասած, վատ տրամադրություններ, ընդ որում՝ լիովին արդարացված, գրում է «Մեդիահաբ»-ը:
«Այսօր, սակայն, հերոսը ոչ թե ինքն է, այլ իր տիկինը, ով խորը ատելությամբ ատելության խոսք է տարածել արցախցիների հասցեին: «Բայց ում դեմ եք միավորվել: Մեր հացը լափում եք, մեր դեմ միավորվո՞ւմ: Դուք մեկի հետ յոլա գնալ կարո՞ղ եք: Աստծուց մոռացված դժբախտներ»,- գրել է Շուշան Ղազարյանը: Հանրությունը պետք է իմանա, որ կյանքի մեծ մասը ամուսնու հետ Պրահայում անցկացրած տիկինը, որ Հայաստանում հայտնվել է միայն Քոլոյանի՝ այստեղ պաշտոնի անցնելու կապակցությամբ, արցախցիներին իրենց հայրենիքում որակում է «հաց լափողներ»: Հարց տիկնոջը՝ սեփական փորձի՞ց եք նման որակումներ տալիս: Փորձեցինք պարզել՝ Քոլոյանը որքանո՞վ է համաձայն իր կնոջ որակման հետ:
«Ես ընդհանրապես չեմ հետևում «ֆեյսբուքներին», չգիտեմ՝ ինչ է գրել, զանգահարեք, իր հետ խոսեք, ես կապ չունեմ դրա հետ...

...Մատաղ ինիմ, ես ինքս Արցախից եմ, գիտե՞ս, դե ուրեմն հաջողություն»,- ասաց ռադիոյի տնօրենն ու անջատեց հեռախոսը։

Իր իսկ հորդորով կապ հաստատեցինք նաև Քոլոյանի տիկնոջ հետ:

«Ես Արցախի համար իմ կյանքն ու ընտանիքն եմ վտանգել, իմ կյանքն եմ նվիրել ու ոչ մեկ թող ինձ Արցախը սիրել չսովորեցնի։ Ինձ ճանաչողները գիտեն, թե ինչ է նշանակում Արցախն ինձ համար եւ Արցախի իրական հերոսները նույնպես։ Ես ավելին չեմ կարող ասել մարդկանց, ում առաջ մեր սիրտն ու գիրկն ենք բացել, բայց ովքեր հրապարակներում թքում են իմ պետության ու մեր սրտին»,- արձագանքել է նա մեր հարցին։

Հարցրինք՝ իսկ ի՞նչ է հնչել հանրահավաքի օրը Ազատության հրապարակում, որ դուր չի եկել տիկին Ղազարյանին: Այս հարցը, սակայն, վերջինս արդեն թողեց անպատասխան»,- գրում է աղբյուրը:

Առավել մանրամասն՝ սկզբնաղբյուրում: