«Կլյաուզնիկի հայտարարություն ես տարածել․ քեզ չափի մեջ պահի»․ Անժելա Թովմասյանը՝ Մարտուն Գրիգորյանին

«Հայելի» ակումբի նախագահ Անժելա Թովմասյանը, ուղիղ եթերում անդրադառնալով Գյումրու ընտրություններին, մասնավորապես՝ Մարտուն Գրիգորյանի հայտարարությանը, կրկին շեշտել է, որ նա իրավունք չուներ այդքան ժամանակ մարդկանց «հիմարի տեղ դնել», սպասեցնել, մեղադրել ընդդիմադիր մյուս թեկնածուներին, թե ինչո՞ւ են հաջորդ օրն իսկ Վարդան Ղուկասյանին միանալու հայտարարություն արել․ «Լավ արեցին ու շատ ճիշտ արեցին։ Դու էլ պիտի գլուխդ կախ հայտարարեիր, ոչ թե բազառի մեջ մտնեիր, քեզ էլ երևակայեիր: Էդքան ուղեղ չունեի՞ր, հասկանայիր, որ սա ուրիշ պայքար է, չի կարելի էդ ոգևորությունը ջարդել։ Բոլորդ ձեր չափի մեջ մնացեք, հատկապես դո՛ւ, Մարտո՛ւն, քո չափը անցել ես, մի հատ էլ կլյաուզնիկի հայտարարություն ես տարածում, թե Վարդանի վրա կրիմինալ կա։ Քո վրա չկա՞, թե Նիկոլին գործ ես տալիս, որ վաղը գործ հարուցի։ Կեղտոտ հայտարարություն ես անում, ամոթ ա, նորմալ վեր ընկի, քեզ չափի մեջ պահի։ Նույնն էլ վերաբերվում է Վարդան Ղուկասյանին, ձեզ չափի մեջ պահեք»,- ասել է Թովմասյանը։