«Երևանի քաղաքապետարանը հերոս հարկատուների գումարները մսխում է»․ Մեսրոպ Մանուկյան

Երևանի ավագանու «Մայր Հայաստան» խմբակցության անդամ Մեսրոպ Մանուկյանը ֆեյսբուքյան էջում տեսանյութ է հրապարակել՝ կից գրելով․ «Նիկոլ Փաշինյան պատասխանե՛ք մեր համաքաղաքացիներին, նորմա՞լ է, որ Երևանի քաղաքապետարանը մեր հերոս հարկատուների վճարած գումարները նման կերպ մսխում է։

Նորմա՞լ է, որ տուրիստական կենտրոն համարվող Սարյան փողոցում աղբամանների «դեֆիցիտ» է։
Հա՞շտ եք, որ 1 տարին դեռ չբոլորած տեղադրված տոմետներն արդեն քանդվում են։
Ձեր համար գեղեցի՞կ է, որ Երևանի փողոցները դարձրել են «զատիկի ձու» (Սարյան փողոցի միայն մի հատվածում 3 տարբեր նստարաններ են)։
Նորմա՞լ է, որ փողոցը սալիկապատում են, բայց չեն պլանավորում ո՛չ ոռոգման համակարգ, ո՛չ էլ ծառերի համար տեղ են թողնում, որ տնկեն հաջորդիվ։
Հ. Գ. Վստահ եմ՝ հաջորդ տարի կքանդեն Սարյան փողոցը և՛ ոռոգման համար և՛ ծառերի համար։
Հ. Գ. Մեկ էլ մի հատ Տիգրան Ավինյանին ասեք 2 տարի է Սարյան փողոցի վրա չորացած ծառեր կան, կտրեք և նորը տնկեք»։