«Էդ վիլլաներում էին ապրո՞ւմ, նրանց տները տեսե՞լ եք Արցախում». Խաչատուր Սուքիասյան

ԱԺ «Քաղաքացիական պայմանագիր» խմբակցության պատգամավոր Խաչատուր Սուքիասյանը «24Նյուզ»-ի հետ զրույցում, անդրադառնալով արցախցիների դժգոհություններին՝ նշել է, որ միլիարդավոր գումարներ է տրվել Արցախին, որոնք գողացել են և պետք է վերադարձնեն:

«Արցախցիներն ակցիաներն իրականացնում են, որովհետև իրենց դրդողներ, կառավարողներ ու գրգռողներ կան: Ալեն Սիմոնյանը ճիշտ է ասում՝ պետք է կռվեին, փախել եկել են: Գողացել են միլիարդավոր դոլարները, որոնք ուղարկվել էին Արցախ, որ ուժեղ լինեին, լավ ապրեն, տնտեսություն, պաշտպանական դիրքեր ունենան: Էդ գումարը գողացվել է, շենք-շինություն ա դարձել Հայաստանում»:
Լրագրողի դիտարկմանը, որ ակցիան հասարակ մարդիկ են կազմակերպել, որոնք իրենց տներից են զրկվել, Սուքիասյանը զայրացած պատասխանեց. «Էդ Արցախում խնդիր չունեի՞ն, վիլլաներում էի՞ն ապրում: Նրանց տները տեսե՞լ եք Արցախում: Իրենց տներից զրկվել են, որովհետև իրենց տան համար չեն կռվել»: