20-ամյա պայմանագրային զինծառայող է դանակահարվել
![]() 690 Չորեքշաբթի, 16 ապրիլի, 2025 թ., 00:06 Ապրիլի 12-ին վիճաբանություն և դանակահարություն է տեղի ունեցել Արարատի մարզում։ Ժամը 23:50-ի սահմաններում «Արտաշատ» բժշկական կենտրոնից ՀՀ Ներքին գործերի նախարարության Ոստիկանության Արտաշատի բաժին ահազանգ է ստացվել, որ դանակահարված ու անգիտակից վիճակում իրենց մոտ է տեղափոխվել մի քաղաքացի։ Ինչպես հայտնում է ֆոտոլրագրող Գագիկ Շամշյանը, տեղում բժիշկները ոստիկաններին հայտնել են, որ վիրավորն ի վիճակի չէ կատարվածի մասին բացատրություն տալու և գտնվում է վիրահատարանում։ Մինչ բժիշկները պայքարում էին վիրավորի կյանքի համար, պարզվել է վիրավորի ինքնությունն, ով Արարատի մարզի բնակիչ 20-ամյա Արամ Հ-ն է: Նա հիվանդանոց է տեղափոխվել «կրծքավանդակի ձախ կեսի հետին մակերեսի կտրած-ծակած թափանցող, արյունահոսող վերքեր» ախտորոշմամբ։ Արարատի մարզի քրեական ոստիկանները պարզել են, որ նույն օրը՝ ժամը 22:30-ի սահմաններում, Արտաշատ քաղաքի Օգոստոսի 23 և Աճառյան փողոցների խաչմերուկում՝ Աշտարակի շուկայի մոտակայքում, միջանձնային հարցերի շուրջ վիճաբանել են Արարատի մարզի բնակիչներ 19-ամյա Լևոն Հ-ն, 24-ամյա Միքայել Պ-ն, 19-ամյա Յուրիկ Թ-ն, 21-ամյա Արման Պ-ն և հիվանդանոց տեղափոխված Արամ Հ-ն, որի ընթացքում վերջինս ստացել է մարմնական վնասվածքներ և այս պահին գտնվում է «Արտաշատ» բժշկական կենտրոնի վերակենդանացման բաժանմունքում։ Աղբյուրի տեղեկություններով, վիրավորը պայմանագրային զինծառայող է: |
Հայտնաբերվել է «BMW»-ով Դեբեդ գետն ընկած քաղաքացու դին
13119:12Հրդեհ՝ «Ռիո մոլ»-ի տանիքում
17816:54Կոտայքում տեղի ունեցած ավտովթարի հետևանքով կա 1 զոհ, 3 վիրավոր
28010:24Վիճաբանություն, ծեծկռտուք, դանակահարություն և վրաերթ՝ Կոտայքում
189Երեկ, 19:18Ջրատարն ընկած տղամարդու դին 12 օր անց հայտնաբերվել է
404Երեկ, 13:18Փարիզում մեքենան մխրճվել է ՊՍԺ-ի հաղթանակը տոնող երկրպագուների բազմության մեջ (տեսանյութ)
561Երեկ, 11:21Մայրը հայտնել է, որ դուստրը մահացել է սխալ բուժման հետևանքով
288Երեկ, 10:30Քաղաքացին ինքնավնասման փորձ է կատարել կառավարության շենքի դիմաց
31907.05.2025, 19:24