«Խայտառակ ապօրինություն՝ Գարիկ Գալեյանի նկատմամբ»․ Ռուբեն Մելիքյան

«Խայտառակ ապօրինություն՝ Գարիկ Գալեյանի նկատմամբ»,- «Ֆեյսբուք»-ում գրել է փաստաբան Ռուբեն Մելիքյանը՝ կցելով «Հինգ իրավապաշտպանների նախաձեռնության» էջում հրապարակված հայտարարությանը․ «Հայտնում եմ հանրությանը, որ 44-օրյա պատերազմում հերոսաբար զոհված զինվորի հայր, իմ պաշտպանյալ Գարիկ Գալեյանն այս պահին գտնվում է ապօրինի տնային կալանքի տակ։
Առաջին ատյանի դատավճով (դատավոր՝ Մասիս Մելքոնյան) Գ.Գալեյանի նկատմամբ կիրառվել է ԵՐԵՔ ԱՄԻՍ ԺԱՄԿԵՏՈՎ տնային կալանք, որի ժամկետն ավարտվել է այսօր՝ ապրիլի 18-ին, ժամը 00:00-ին։ Երեկ վերաքննիչ դատարանում ընթացած դատալսումների ընթացքում Գ.Գալեյանի խափանման միջոցի հարցին առհասարակ անդրադարձ չի եղել։
Հետևաբար այլևս բացակայում է պաշտպանյալիս անազատության իրավական հիմքը, մինչդեռ նա շարունակում է մնալ տնային կալանքի տակ՝ հատուկ էլեկտրոնային միջոցի («բռասլետի») կիրառմամբ հսկողության ներքո։ Պաշտպան Վահան Հովհաննիսյան»։