Վատիկանը հրապարակել է Հռոմի պապ Ֆրանցիսկոսի հոգևոր կտակի տեքստը

Վատիկանը հրապարակել է ապրիլի 21-ին մահացած Հռոմի պապ Ֆրանցիսկոսի հոգևոր կտակի տեքստը։ Փաստաթուղթը թվագրված է 2022 թվականի հունիսի 29-ով և պարունակում է պոնտիֆիկոսի վերջին ցանկությունները՝ կապված իր թաղման վայրի հետ։

Ֆրանցիսկոսը խնդրել է, որ իր աճյունը թաղվի Սանտա Մարիա Մաջիորեի բազիլիկում՝ կաթոլիկ աշխարհի ամենակարևոր սրբատեղերից մեկում։ Իր կտակում նա նշել է ճշգրիտ վայրը՝ Պոլինյան մատուռի և Սֆորցա մատուռի միջև գտնվող կողային միջանցքում: Դագաղը պետք է թաղվի հողի մեջ, առանց ավելորդ զարդարանքի, մեկ մակագրությամբ՝ Ֆրանցիսկոս։

Հուղարկավորության բոլոր ծախսերը, ինչպես նշված է փաստաթղթում, կկատարվեն նվիրատվությունով, որը պոնտիֆիկոսը նախապես փոխանցել է բազիլիկային: