«Էլ Օխո` առեղծվածային կլոր կղզի, որը շարժվում է». Լևոն Ազիզյան

«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանի ֆեյսբուքյան գրառումը. «Էլ Օխո (թարգմ՝ աչք)՝ առեղծվածային կլոր կղզի, որը շարժվում է:
Մեր մոլորակի վրա դեռևս կան անծանոթ հրաշքներ, և դրանցից մեկն էլ Արգենտինայում գտնվող Էլ Օխո կղզին է։ Այն գրեթե կատարյալ կլոր է (տրամագիծը մոտ 118 մետր) և դանդաղ պտտվում է ժամացույցի սլաքի ուղղությամբ իր փոքր ջրավազանի մեջ։
Կղզին հայտնաբերվել է միայն 2016 թվականին՝ ռեժիսոր Սերխիո Նոյսպիլլերի կողմից՝ Google Earth ծրագրի միջոցով։ Ինժեներ Ռիկարդո Պետրոնիի հետ համատեղ նրանք պարզել են, որ օբյեկտը պտտվում է արդեն տարիներ շարունակ։
Ըստ հիմնական վարկածի՝ կղզու կլոր ձևը պայմանավորված է ջրային հոսանքի ազդեցությամբ եզրերի մշտական քայքայմամբ. արդյունքում կղզին կարծես ինքն իրեն «հարթում է»։
Այսօր Էլ Օխոն մեծ ճանաչում ունի զբոսաշրջիկների շրջանում և հեշտությամբ կարելի է գտնել Google Maps քարտեզներում. 34°15’07.8″S 58°49’47.4″W։
Սա մեկ անգամ ևս հիշեցում է, որ մեր մոլորակը լի է զարմանահրաշ գաղտնիքներով»։