«Կողմնորոշվեք, դուք ո՞ւմ հետ եք, կամ, գուցե արդեն կողմնորոշվա՞ծ եք». Մարգարիտ Եսայան

ՀՀԿ ԳՄ անդամ Մարգարիտ Եսայանի ֆեյսբուքյան գրառումը․ «Երեք օր առաջ հարցազրույցում, երբ լրագրողը հարցրեց․ «Դուք վստա՞հ եք, որ «Հայաստան» դաշինքը կմիանա իմպիչմենտի գործընթացին», ես դրական կարծիք հայտնեցի՝ ասելով, որ այնտեղ կան մարդիկ, որ գիտակցում են մեր երկրի վիճակը և հասկանում են իրավիճակը, հասկանում են, որ պետք է քայլ անել։ Երեկ պարզվեց, սխալվել եմ, և իրականում, շատ զարմացած եմ, երբ այդ դաշինքից Արթուր Խաչատրյան անունով պատգամավորը հայտարարեց, թե թող քպ խմբակցությունից 10 հոգու ստորագրություն բերեն, իրենք կմտածեն։ Արդյոэք իրենց համար քպ-ն է «ասնավանի»։ Եթե սա միայն այս մեկ անձի կարծիքն է, ուրիշ բան, իսկ եթե խմբակցության որոշումն է, լրիվ ուրիշ։ Սրանից ավելի տխուր/ավելի բնութագրիչ բառ առաժմ չեմ գրում/ բան երևի դժվար է պատկերացնել, շատ հիասթափված եմ և առայժմ չեմ ուզում ավելի խիստ գնահատական տալ, որքան խոսուն է սա, նույնքան՝ տհաճ։ Տղաներ, կողմնորոշվեք, դուք ո՞ւմ հետ եք, կամ, գուցե արդեն կողմնորոշված եք․․․»: