«Հասել ենք այնտեղ, որ կոալիցիայի ներկայացուցիչը շանտաժ անելով սպառնում է»․ Քրիստինա Վարդանյան

Երևանի ավագանու «Ազգային առաջընթաց» խմբակցության անդամ Քրիստինա Վարդանյանի ֆեյսբուքյան գրառումը․ «Տեղի ունեցածի մեջ, կարծես թե ստվերում ենք թողնում մի շատ կարևոր հանգամանք, թե իրականում որտեղ էին թաղապետարանի շենքի անվտանգության աշխատակիցները՝
թե՛ առաջին օրը, թե՛ նաև երկրորդ օրը, առավել ևս, երբ յուրաքանչյուր բանականություն ունեցող մարդու համար, առավել քան ակնհայտ է, որ երկրորդ օրվա Արթուր Չախոյանի ներկայությունը ունենալու էր լուրջ հետևանքներ, իսկ նման բացթողման համար առաջին պատասխանատուն պետական շենքերի պահպանության աշխատակիցներն են, որոնց առաջին հրահանգավորողը տվյալ շենքում հենց ինքը թաղապետն է, քանի որ միայն նրա հրահանգով կարող էին սահմանափակել Չախոյանի մուտքը թաղապետարան, իսկ եթե չեն սահմանափակել, ապա ինչ-որ շրջանակների ձեռնտու էր դա… Հասել ենք այնտեղ, որ պետական կառույցում, հարկատուների միջոցներից վարձատրվող թաղապետը ինքնադատաստան է իրականացնում ու հետո կոալիցիայի ներկայացուցիչը շանտաժ անելով սպառնում է, «հեռացնես աշխատանքից, կզրկվես իշխանությունից»։ Իրավական պետության մեջ թաղապետին պետք է կալանավորեին, ոչ թե աշխատանքից հեռացնեին… Թե՞ Արամ Սարգսյանի թիմը՝ քաղաքական առումով, անձեռնմխելի է… Երևանում կառավարման ճգնաժամ է ու միակ ելքը արտահետթ ընտրություններն են, ինչի մասին առաջին իսկ օրվանից խոսել ենք՝ բոյկոտելով առաջին նիստը։
Հետևություններն արեք ինքներդ…»։