«Իրանում ֆանատիկներ կամ խելագարներ չեն, որ միջուկային հարված հասցնեն Իսրայելին»․ Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը․ «Իրանի միջուկային զենքից Իսրայելի վախն ըստ իս այն չէ, որ Իրանը կհարվածի և կվերացնի Իսրայել պետությունը: Իրանի համար Իսրայել պետությունը նույնիսկ կարևոր «ցեմենտ» է ներքին հասարակարգը պահելու համար:
Ավելին, Իրանում ֆանատիկներ կամ խելագարներ չեն, որ միջուկային հարված հասցնեն Իսրայելին, եթե իհարկե Իսրայելը չանի այնպիսի գործողություն, որն Իրանին չթողնի այլ ելք:
Իրանի համար միջուկային զենքը պարզապես ծանրակշիռ աշխարհաքաղաքական գործոն և անվտանգության երաշխիք է:
Իսրայելի տագնապն այն է, որ միջուկային Իրանը այլևս նշանակելու է բացարձակապես այլ ուժային բալանսով Մերձավոր Արևելք, ինչը հղի է ԱՄՆ համար Իսրայելի որոշակի «բացառիկությունը» կորցնելու տագնապով:
Այ դա իսկապես լրջագույն ռիսկ է Իսրայելում ներկայումս դոմինանտ քաղաքական ուժերի համար, որոնք այդ պարագայում կարող են զգալիորեն կորցնել ամերիկյան «ոսկեբեր գետակի» շահագործման ներուժը»։